All times are UTC + 5:30 hours




Post new topic Reply to topic  [ 11 posts ]  Go to page 1, 2  Next
  Print view

Qateel Shifai ji ki kuch gazlein
Author Message
PostPosted: Sat Oct 31, 2009 11:49 pm 
User avatar
Offline

Joined: Tue Dec 16, 2008 11:36 pm
Posts: 2493
dosto aap sabhi ki nazar me Qateel Shifai ji i kuch behtreen gazale kar rahi hun..umeed hai apa sabhi ko ye gazale padkar sukhad ahsaas hoga...

pane haatho.n kii lakiiro.n me.n basaale mujhako
Qateel Shifai

[size=150]
apane haatho.n kii lakiiro.n me.n basaale mujhako
mai.n huu.N teraa nasiib apanaa banaa le mujhako

mujhase tuu puuchhane aayaa hai vafaa ke maanii
ye terii sadaadilii maar na Daale mujhako

mai.n sama.ndar bhii huu.N motii bhii huu.N Gotaazan bhii
koii bhii naam meraa leke bulaale mujhako

tuune dekhaa nahii.n aaiine se aage kuchh bhii
Khudaparastii me.n kahii.n tuu na ga.Nvaale mujhako

kal kii baat aur hai mai.n ab saa rahuu.N yaa na rahuu.N
jitanaa jii chaahe teraa aaj sataale mujhako

Khud ko mai.n baa.NT na Daaluu.N kahii.n daaman-daaman
kar diyaa tuune agar mere havaale mujhako

mai.n jo kaa.NTaa huu.N to chal mujh se bachaakar daaman
mai.n huu.N gar phuul to juu.De me.n sajaale mujhako

mai.n khule dar ke kisii ghar kaa huu.N saamaa.N pyaare
tuu dabe paa.Nv kabhii aake churaale mujhako

tark-e-ulfat kii qasam bhii ko_ii hotii hai qasam
tuu kabhii yaad to kar bhuulanevaale mujhako

baadaa phir baadaa hai mai.n zahar bhii pii jaauu.N "Qateel"
shart ye hai koii baaho.n mei.n sambhale mujhako [/size]

_________________
kuch pal sanjoye hai yado se lekar
unko sahejaa hai kalam se kah kar


Top
 Profile  
 

Re: Qateel Shifai ji ki kuch gazlein
PostPosted: Sat Oct 31, 2009 11:51 pm 
User avatar
Offline

Joined: Tue Dec 16, 2008 11:36 pm
Posts: 2493
apane hoTho.n par sajaanaa chaahataa huu.N
Qateel Shifai

apane hoTho.n par sajaanaa chaahataa huu.N
aa tujhe mai.n gunagunaanaa chaahataa huu.N

koii aa.Nsuu tere daaman par giraakar
buu.Nd ko motii banaanaa chaahataa huu.N

thak gayaa mai.n karate-karate yaad tujhako
ab tujhe mai.n yaad aanaa chaahataa huu.N

chhaa rahaa hai saarii bastii me.n a.Ndheraa
raushanii ho ghar jalaanaa chaahataa huu.N

aaKharii hichakii tere zaano.n pe aaye
maut bhi mai.n shaayaraanaa chaahataa huu.N

_________________
kuch pal sanjoye hai yado se lekar
unko sahejaa hai kalam se kah kar


Top
 Profile  
 

Re: Qateel Shifai ji ki kuch gazlein
PostPosted: Sat Oct 31, 2009 11:54 pm 
User avatar
Offline

Joined: Tue Dec 16, 2008 11:36 pm
Posts: 2493
charaaG dil ke jalaao ki iid ka din hai
Qateel Shifai

charaaG dil ke jalaao ki iid ka din hai
taraane jhuum ke gaao ki iid kaa din hai

Gamo.n ko dil se bhulaao ki iid kaa din hai
Khushii se bazm sajaao ki iid kaa din hai

huzuur us kii karo ab salaamtii kii duaa
sar-e-namaaz jhukaao ki iid kaa din hai

sabhii muraad ho puuriihar ek savaalii kii
duaa ko haath uThaao ki iid kaa din hai

[muraad=desire]

_________________
kuch pal sanjoye hai yado se lekar
unko sahejaa hai kalam se kah kar


Top
 Profile  
 

Re: Qateel Shifai ji ki kuch gazlein
PostPosted: Sat Oct 31, 2009 11:55 pm 
User avatar
Offline

Joined: Tue Dec 16, 2008 11:36 pm
Posts: 2493
dard se meraa daaman bhar de yaa allaah
Qateel Shifai

dard se meraa daaman bhar de yaa allaah
phir chaahe diivaanaa kar de yaa allaah

mai.n ne tujhase chaa.Nd sitaare kab maa.Nge
raushan dil bedaar nazar de yaa allaah

suuraj sii ik chiiz to ham sab dekh chuke
sach-much kii ab koii sahar de yaa allaah

yaa dhartii ke zaKhmo.n par maraham rakh de
yaa meraa dil patthar kar de yaa allaah

_________________
kuch pal sanjoye hai yado se lekar
unko sahejaa hai kalam se kah kar


Top
 Profile  
 

Re: Qateel Shifai ji ki kuch gazlein
PostPosted: Sat Oct 31, 2009 11:56 pm 
User avatar
Offline

Joined: Tue Dec 16, 2008 11:36 pm
Posts: 2493
a.nga.Daaii par a.nga.Daaii letii hai raat judaaii kii
Qateel Shifai

a.nga.Daaii par a.nga.Daaii letii hai raat judaaii kii
tum kyaa samajho tum kyaa jaano baat merii tanahaaii kii

kaun siyaahii ghol rahaa thaa vaqt ke bahate dariyaa me.n
mai.n ne aa.Nkh jhukii dekhii hai aaj kisii harajaaii kii

vasl kii raat na jaane kyuu.N israar thaa unako jaane par
vaqt se pahale Duub gae taaro.n ne ba.Dii daanaaii kii

u.Date u.Date aas kaa paa.Nchhii duur ufaq me.n Duub gayaa
rote rote baiTh gaii aavaaz kisii saudaaii kii

_________________
kuch pal sanjoye hai yado se lekar
unko sahejaa hai kalam se kah kar


Top
 Profile  
 

Re: Qateel Shifai ji ki kuch gazlein
PostPosted: Sat Oct 31, 2009 11:57 pm 
User avatar
Offline

Joined: Tue Dec 16, 2008 11:36 pm
Posts: 2493
bechain bahaaro.n me.n kyaa-kyaa hai jaan kii Khushbuu aatii hai
Qateel Shifai

bechain bahaaro.n me.n kyaa-kyaa hai jaan kii Khushbuu aatii hai
jo phuul mahakataa hai usase tuufaan kii Khushbuu aatii hai

kal raat dikhaa ke Khvaab-e-tarab so sej ko suunaa chho.D gayaa
har silavaT se phir aaj usii mehamaan kii Khushbuu aatii hai

talkiin-e-ibaadat kii hai mujhe yuu.N terii muqaddas aa.Nkho.n ne
ma.ndir ke dariicho.n se jaise lobaan kii Khushbuu aatii hai

kuchh aur bhii saa.Nse.n lene par majabuur-saa mai.n ho jaataa huu.N
jab itane ba.De ja.ngal me.n kisii insaan kii Khushbuu aatii hai

kuchh tuu hii mujhe ab samajhaa de ai kufr duhaa_ii hai terii
kyuu.N sheKh ke daaman se mujhako imaan kii Khushbuu aatii hai

Darataa huu.N kahii.n is aalam me.n jiine se na munakir ho jaauu.N
ahabaab kii baato.n se mujhako ehasaan kii Khushbuu aatii hai

_________________
kuch pal sanjoye hai yado se lekar
unko sahejaa hai kalam se kah kar


Top
 Profile  
 

Re: Qateel Shifai ji ki kuch gazlein
PostPosted: Sat Oct 31, 2009 11:59 pm 
User avatar
Offline

Joined: Tue Dec 16, 2008 11:36 pm
Posts: 2493
dil ko Gam-e-hayaat gavaaraa hai in dino.n

dil ko Gam-e-hayaat gavaaraa hai in dino.n
pahale jo dard thaa vahii chaaraa hai in dino.n

[gavaaraa = agreeable; chaaraa = cure]

ye dil zaraa saa dil terii yaado.n me.n kho gayaa
zarre ko aa.Ndhiyo.n kaa sahaaraa hai in dino.n

har sail-e-ashk saahil-e-taskii.n hai aaj kal
dariyaa kii mauj-mauj kinaaraa hai in dino.n

[sail-e-ashk = flood of tears]
[saahil-e-taskii.n = peaceful shore]

shamo.n me.n ab nahii.n hai vo pahale sii roshanii
shaayad vo chaa.Nd anjuman_aaraa hai in dino.n

[anjuman_aaraa = adorning/enhancing the beauty of a gathering]

tum aa sako to shab ko ba.Dhaa duu.N kuchh aur bhii
apane kahe me.n subah kaa taaraa hai in dino.n

qurbaa.N ho.n jis ke husn pe sau jannate.n 'Qateel'
nazaro.n ke saamane vo nazaaraa hai in dino.n

_________________
kuch pal sanjoye hai yado se lekar
unko sahejaa hai kalam se kah kar


Top
 Profile  
 

Re: Qateel Shifai ji ki kuch gazlein
PostPosted: Sun Nov 01, 2009 12:00 am 
User avatar
Offline

Joined: Tue Dec 16, 2008 11:36 pm
Posts: 2493
duniyaa ne ham pe jab ko_ii ilzaam rakh diyaa

duniyaa ne ham pe jab ko_ii ilzaam rakh diyaa
ham ne muqaabil us ke teraa naam rakh diyaa

[ilzaam = accusation; muqaabil = in front of]

ik Khaas had pe aa ga_ii jab terii beruKhii
naam us kaa ham ne gardish-e-ayyaam rakh diyaa

[Khaas = special; gardish-e-ayyaam = circle of life/time]

mai.n la.D_kha.Daa rahaa huu.N tujhe dekh-dekh kar
tuune to mere saamane ik jaam rakh diyaa

kitanaa sitam_zariif hai vo saahib-e-jamaal
us ne diyaa jalaa ke lab-e-baam rakh diyaa

[sitam_zariif = one who commits acts of tyranny with a smile]
[saahib-e-jamaal = one who is beautiful (beloved)]
[lab-e-baam = rooftop/edge of the terrace]

insaan aur dekhe baGair us ko maan le
ik Khauf kaa bashar ne Khudaa naam rakh diyaa

[Khauf = dread/fear; bashar = man]

ab jis ke jii me.n aaye vahii paaye raushanii
ham ne to dil jalaa ke sar-e-aam rakh diyaa

[sar-e-aam = in the open/in public]

kyaa masalahat_shanaas thaa vo aadamii 'Qateel'
majabuuriyo.n kaa jis ne vafaa naam rakh diyaa

[masalahat_shanaas = clever]

_________________
kuch pal sanjoye hai yado se lekar
unko sahejaa hai kalam se kah kar


Top
 Profile  
 

Re: Qateel Shifai ji ki kuch gazlein
PostPosted: Sun Nov 01, 2009 12:01 am 
User avatar
Offline

Joined: Tue Dec 16, 2008 11:36 pm
Posts: 2493
guzare dino.n kii yaad barasatii ghaTaa lage

guzare dino.n kii yaad barasatii ghaTaa lage
guzaruu.N jo us galii se to Tha.nDii havaa lage

mehamaan banke aaye kisii roz agar vo shaKhs
us roz bin sajaaye meraa ghar sajaa lage

[mehamaan = guest; shaKhs = person]

mai.n is liye manaataa nahii.n vasl kii Khushii
mere raqiib kii na mujhe bad_duaa lage

[vasl = union; raqiib = rival; bad_duaa = ill wishes]

vo qahat dostii kaa pa.Daa hai ki in dino.n
jo muskuraa ke baat kare aashnaa lage

[qahat = famine/scarcity; aashnaa = friend/acquaintance]

tark-e-vafaa ke baad ye us kii adaa 'Qateel'
mujhako sataaye ko_ii to us ko buraa lage

[tark = to give up; satanaa = torment]

_________________
kuch pal sanjoye hai yado se lekar
unko sahejaa hai kalam se kah kar


Top
 Profile  
 

Re: Qateel Shifai ji ki kuch gazlein
PostPosted: Sun Nov 01, 2009 12:03 am 
User avatar
Offline

Joined: Tue Dec 16, 2008 11:36 pm
Posts: 2493
garmii-e-hasarat-e-naakaam se jal jaate hai.n
Qateel Shifai

garmii-e-hasarat-e-naakaam se jal jaate hai.n
ham charaaGo.n kii tarah shaam se jal jaate hai.n

bach nikalate hai.n agar aatih-e-sayyaad se ham
sholaa-e-aatish-e-gulafaam se jal jaate hai.n

Khudanumaa_ii to nahii.n shevaa-e-arabaab-e-vafaa
jin ko jalanaa ho vo aaraaam se jal jaate hai.n

shamaa jis aag me.n jalatii hai numaa_ish ke liye
ham usii aag me.n gumanaam se jal jaate hai.n

jab bhii aataa hai meraa naam tere naam ke saath
jaane kyuu.N log mere naam se jal jaate hai.n

rabtaa baaham pe hame.n kyaa na nahe.nge dushman
aashanaa jab tere paiGaam se jal jaataa hai

_________________
kuch pal sanjoye hai yado se lekar
unko sahejaa hai kalam se kah kar


Top
 Profile  
 

Display posts from previous:  Sort by  
Post new topic Reply to topic  [ 11 posts ]  Go to page 1, 2  Next

All times are UTC + 5:30 hours


Who is online

Users browsing this forum: No registered users and 1 guest


You cannot post new topics in this forum
You cannot reply to topics in this forum
You cannot edit your posts in this forum
You cannot delete your posts in this forum

Search for:
Jump to:  
cron

Powered by phpBB © 2000, 2002, 2005, 2007 phpBB Group
© 2008, 2009,2010 Mahaktepal.com
Website is maintained by Gensofts (Web Design Company India)